KITAIFA: KAMPUNI YA AFYA MAHAKAMANI KWA KUTUMIA VYETI VYA MTU, MWENYE VYETI ADAI FIDIA

Dar es Salaam. Kampuni ya Indepth Scientific Company Ltd ya Kenya inayoendesha shughuli zake nchini imeburuzwa MmSh400 milioni kwa kutumia jina na vyeti vya Mtanzania Kelvin Martin katika shughuli zake bila ridhaa yake.

Kampuni hiyo inajishughulisha na usambazaji wa vifaa tiba vya kimaabara vya aina tofauti katika ukanda wa Afrika Mashariki na Kati.

Kwa mujibu wa hati ya madai katika kesi hiyo inayosikilizwa na Jaji Salvatory Bongole, mlalamikaji (Martin) anailalamikia kampuni hiyo kwa kutumia jina na cheti chake katika shughuli zake kama ofisa wake mtaalamu mshauri kwa masuala ya maabara, bila ridhaa yake.

Pia anailalamikia kampuni hiyo kwa kudaiwa kutumia cheti na jina lake katika kuomba na kujipatia kibali cha kuendesha shughuli zake kutoka Wizara ya Afya na Ustawi wa Jamii, kupitia Bodi ya Maabara iliyotolewa bila ridhaa yake.

Mlalamikaji anadai kuwa, mwaka 2009 aliwahi kuomba kazi kwa mlalamikiwa ambapo aliwasilisha vyeti vyake na kuingia mkataba wa mwaka mmoja katika nafasi ya meneja masoko, lakini hakuwahi kufanya kazi badala yake aliondoka na kwenda nje ya nchi.

Hivyo, mlalamikaji anaiomba mahakama itoe amri ya zuio la kudumu kwa mlalamikiwa na wakala wake kuendesha shughuli zake kwa kutumia jina na wadhifa wake kwa namna yoyote ile.

Hata hivyo mlalamikiwa katika majibu yake amekanusha madai yote huku akimtaka mlalamikaji atoe uthibitisho wa madai yake, anasisitiza kuwa walikubaliana na mlalamikaji