KITAIFA: RAIS KIKWETE ALIA NA WANAOVIHUJUMU VYAMA VYA USHIRIKA MOROGORO KATIKA UZINDUZI WA UCHUNGUZI WA SARATANI NA MLANGO WA UZAZI

"....It takes two to Tango", anasema Rais Kikwete akimaanisha kwamba ili kufanikisha jambo ni lazima watu wawili walio pamoja washirikiane,  wakati  akiwahamasisha wakina baba na walezi kusaidia katika juhudi za kuzuia na kutibu magonjwa haya ya saratani ya wanawake.  

Rais Dkt. Jakaya Mrisho Kikwete akiwahutubia wananchi wakati akizindua huduma za uchunguzi wa saratani ya mlango wa kizazi na saratani ya matiti Mkoani Tabora, katika uwanja wa Chipukizi mkoani humo Jumamosi Mei 7, 2014.

Rais Dkt. Jakaya Mrisho Kikwete akizungumza na baadhi ya akina mama wa Tabora.

Rais Dkt. Jakaya Mrisho Kikwete akimpongeza Dkt. Joseph Komwihangiro, Mkurugenzi wa Marie Stopes kwa kuwa mstari wa mbele katika huduma na elimu ya NYOTA YA KIJANI (uzazi wa mpango)  Jumamosi Mei 7, 2014 wakati akizindua huduma za uchunguzi wa saratani ya mlango wa kizazi na saratani ya matiti Mkoani Tabora, katika uwanja wa Chipukizi mkoani humo. Wengine toka kushoto ni Mama Salma Kikwete, Mlezi wa MEWATA, Dkt. Serafina Mkuwa, Mwenyekiti wa MEWATA, Mhe. Kebwe Steven Kebwe (Mb.), Naibu Waziri wa Afya na Ustawi wa Jamii, kulia kabisa ni Mbunge wa Tabora Mjini Mhe. Ismail Aden Ragge.

Rais Dkt. Jakaya Mrisho Kikwete akisalimiana na wanakwaya wa kambi ya Msange JKT ya Tabora Jumamosi Mei 7, 2014 baada ya kuzindua huduma za uchunguzi wa saratani ya mlango wa kizazi na saratani ya matiti Mkoani Tabora, katika uwanja wa Chipukizi mkoani humo.

Rais Dkt. Jakaya Mrisho Kikwete akizungumza jambo na Mbunge wa Tabora Mjini Mhe. Ismail Aden Ragge baada ya kuzindua huduma za uchunguzi wa saratani ya mlango wa kizazi na saratani ya matiti Mkoani Tabora, katika uwanja wa Chipukizi mkoani humo.

-------------------------------------------------

Rais wa Jamhuri ya Muungano wa Tanzania Dkt Jakaya Mrisho Kikwete ameamuru Jeshi la Polisi kupeleleza na kisha kuwachukulia hatua mara moja watu wote wanaotuhumiwa kwa wizi na ubadhilifu katika vyama vya ushirika mkoani Tabora.

Rais Kikwete amesikitishwa sana na tuhuma hizo zilizosababisha kuwepo kwa  tatizo la muda mrefu kwa wakulima wa tumbaku kwa kutokulipwa stahili zao na vyama vya ushirika kwa muda mrefu.

Alisema:  "Kwa upande wa tatizo la wakulima wa tumbaku kutokulipwa stahili zao na vyama vya ushirika nimeelezwa na kulielewa.  Kuna tuhuma za wizi na ubadhilifu.  

“Nimemuagiza Inspekta Jenerali wa Polisi atume watu wake wa upelelezi wa makosa ya Jinai waje wafanye uchunguzi ili wahusika wakamatwe na kufikishwa Mahakamani na kupewa adhabu zinazostahili. 

“Ameniahidi kuwa keshokutwa (Jumatatu)  watu hao watakuja.  Wapeni ushirikiano unaostahili ili tukomeshe uhalifu na dhuluma zinazofanywa na Maofisa wa Vyama vya Ushirika na taasisi za fedha kwa muda mrefu sasa".

Rais aliyasema hayo Jumamosi Mei 7, 2014 wakati akizindua  huduma za uchunguzi wa saratani ya mlango wa kizazi na saratani ya matiti Mkoani Tabora, katika uwanja wa Chipukizi mkoani humo.

Rais Kikwete alisisitiza kwamba zoezi la kuchukuliwa hatua watuhumiwa wa wizi na ubadhilifu katika vyama vya ushirika lisifanywe la kisiasa, na kwamba asiogopwe wala kuonewa haya mtu yeyote anayehusika hata awe nani.

HII HAPA HOTOBA YA RAIS KIKWETE KATIKA UZINDUZI HUO

Hotuba Ya Mhe. Kikwete Tarehe 7-6-2014 Morogoro