MICHEZO: Arsenal kupata pigo la kuondokewa na mchezaji wao

Timu ya soka inayoshiriki ligi kuu ya Uingereza Arsenal iko mbioni kumpoteza beki wake wa kulia Bacary Sagna baada ya mchezaji huyo kukubali mpango wa kunyakuliwa na timu ya Manchester City.

Kupitia shirika la habari la le10sport.com, Mchezaji huyo mwenye umri wa miaka 31 amabaye anatarajiwa kuonesha cheche katika kombe la dunia 2014 na kikosi chake cha ufaransa, anakaribia kumaliza mkataba wake na klabu hiyo yenye maskani yake mjini london.

Sagna iwapo atajiunga na Man City atajumuika na wachezaji wenzake wa zamani Samir Nasri na Gael Clichy ambao pia waliondoka klabuni hapo na kujiunga na Manchester City.

Hata hivyo, timu hizo kwa sasa zinaangalia kumalizia msimu wao huku Man City wakitarajia kunyakua ubingwa wa ligi kuu na capital one huku Arsenal wao wakijitahidi kupunguza ukame wa makombe kwa kuitazamia FA.