SIASA: Dr. Kitila Mkumbo ajiunga na ACT

Dr. Kitila Mkumbo (Kushoto) Mhe. Zitto Kabwe (Kulia)

Mhadhiri wa chuo kikuu cha Dar es salaam na Mkuu wa kitivo cha Elimu na Saikolojia Dr. Kitila Mkumbo, ametangaza kujiunga rasmi na chama cha kisiasa cha Alliance for Change and Transparency (ACT)

Katika mahojiano na Dr. Kitila, alibainisha kujiunga na chama hicho na kuongeza kuwa atamshauri Mh. Zitto Kabwe kugombea kuwa mwenyekiti katika chama hicho.

Dr. Kitila aliwahi kuwa Afisa Utawala katika chuo Kikuu cha Dar es salaam na alikuwa Raisi wa serikali ya wanafunzi wa chuo hicho (DARUSO) katika mwaka wa 1998 - 1999 alipokuwa akichukua shahada ya kwanza.

Dr. Kitila pia amefanya tafiti mbali mbali katika nyanja za Elimu, Saikolojia na mienendo ya watu wenye umri mdogo. Pia ni Katibu Mkuu katika chama cha Tanzania Psychological Association (TAPA) na ni mwanachama wa vyama vingine vingi visivyokuwa vya kisiasa kama vile AFSH, TPHA na SSSI.