BURUDANI: PREZZO AONDOA BIFU YAKE KATI YA DIAMOND NA JAGUAR

Msanii wa Kenya Jackson Ngechu Makini maarufu kama 'PREZZO' katika exclusive interview na AyoTV amesema kuwa hana tatizo na mtu akimaanisha kuwa hana bifu na mtu na sasa yuko tayari kufanya kazi na yeyote.

Katika Miaka ya hivi karibuni, Prezzo amehusushwa na kuwa na bifu kubwa na msanii mwenzake wa huko Kenya anayeitwa Jaguar na msanii mwingine kutoka Tanzania Diamond Plutnumz.

Katika bifu yake na prezzo aliwahi kukaririwa akisema kuwa yeye hajui kama kuna mtu anaitwa 'jaguar' bali tu ni aina ya gari. aidha jaguar pia kwa upande wake alijinadi kwa kusema kuwa yeye ni hustler na sio mlaji wa mali za wazazi kama prezzo.

Bifu la wawili hao limedumu kwa muda mrefu hadi jana aliposikika katika AyoTV akisema kwa sasa hana tatizo na msanii mwenzake Jaguar na yuko tayari kufanya nae kazi.

Alipoulizwa kuhusu Diamond plutnumz, pamoja na kuwa aliwahi kusema hawezi kuwa tayari kumuomba msamaha msanii huyo, alisema kuwa anamkubali Diamond kwa jinsi anavyopepea na anamheshimu sana kwa kazi anazozifanya kwani hata yeye alikuwa na ndoto kama hizo alipokuwa anaanza muziki.

Aliongeza kuwa haoni haja ya wasanii wa afrika mashariki kuwa na ugomvi kwani jambo hilo linarudisha nyuma muziki wa afrika mashariki badala yake waungane katika kufanya kazi na kuuweka muziki wa afrika mashariki katika ramani ya dunia kama walivyofanya wasanii wa Nigeria.

Hata hivyo, alipoulizwa kama amekutana na wasanii hao alisema bado hajakutana nao.

Chanzo:AyoTV